Home
Cárta Poist
Litir
Fógra
Léamhthuiscint
Léamhthuiscint
Webquest
Scannáin
Cluichí

Litir

Ionad Campála na Rinne

An Rinn

Portláirge

23 Meitheamh 2006

 

A Liam dhil,

 

Conas atá sibh? Tá súil agam go bhfuil gach duine ar fónamh. Tá mise gnóthach faoi láthair mar táim ag campáil faoin tuath le mo chlann. Creid nó ná creid!

 

Bhí sladmhargadh ar siúl sa siopa campála sa chathair. Chonaic mo dhaid é agus cheannigh sé an fearas campála don thuras. Bhí sceitimíní áthais air nuair a d'fhógair sé go raibh an chlann ag dul ar thuras campála i mbliana. Ní raibh mo mhaim ró-shásta, b'fhearr leí bheith ag fanacht in óstán. Caithfidh mé a admháil go raibh mé féin agus mo dheirfiúir Cáit ar muin na muice nuair a chualamar é!

 

Tháinig an sprioc lá agus bhíomar ar bís. Chuireamar an fearas ar fad sa charr: an puball, an sorn gáis, na málaí codlata, an bia agus fearas spóirt. Nuair a shroicheamar an t-ionad campála fuaireamar ionad deas agus thosaíomar ag cur suas an pubaill. Bhí mearbhall ar mo dhaid bhocht agus bhí orm féin agus Cáit cabhrú leis.

 

Is breá liom an t-ionad campála. Tá sé suite cois farraige agus tá an radharc tíre dochreidte! Caithimid gach tráthnóna ar an trá ag snámh agus ag imirt cluichí. Is iomaí áis atá san ionad campála: seomra níochán, siopa grósaera, seomra folctha agus cúirt leadóige.

 

Déanann mo dhaid an chócaireacht ar fad. Faraor níl sé go maith sa chócaireacht agus bíonn ispíní agus borgairí dóite againn beagnach gach oíche. Táim bréan den bhia dóite ach ní féidir linn gearán a dheánamh mar tá an fear bocht ag déanamh a dhícheall. Táimid ag ní ár gcuid éadaí sa sheomra níochán. Tá meaisín níocháin ann.

 

Bhuel, sin an scéál. Níl a thuilleadh nuachta agam duit. Feicfidh mé thú go luath.

 

Do chara

Pól

 

 


Puball

 


Sorn gais

 


Mála Codlata